Gazetari anglez Richard Peppiatti: Jam lodhur nga shpifjet për myslimanët!

[You must be registered and logged in to see this image.]Vazhdon drama e skandaleve të medias perëndimore kundër fesë islame dhe myslimanëve.

Javë më parë, gazetari i së përditshmes me tirazhin më të madh në Angli “Daily Star”, në një letër të publikuar në gazetën “The Guardian” njoftonte dorëheqjen e tij nga gazeta për shkak se ishte lodhur nga shpifja dhe sajimi i lajmeve kundër fesë islame dhe myslimanëve.

Richard Peppiatt në letrën e tij theksonte se nuk dëshironte më që të sajojë lajme kundër myslimanëve dhe kritikonte ashpër drejtuesit e gazetës “Daily Star”. Ai bëri të njohur se në gazetë lajmet e publikuara në lidhje me myslimanët nuk kanë patur të bënin me realitetin dhe kanë qenë krijim i fantazisë së njerëzve si unë dhe gazetarëve të tjerë.

Gazetari britanik është marrë në pyetje nga Komisioni kombëtar për hulumtim të medias dhe ka pranuar se lajmet që publikohen për Islamin dhe myslimanët janë sajim dhe shpifje dhe qëndrojnë larg realitetit, raportoi portali Presheva.

Kjo është goditja e dytë më e madhe ndaj mjeteve të komunikimit masiv në ishullit pas skandaleve të përgjimit nga kompania Murdoch.

Duke iu përgjigjur pyetjes se pse nuk je ankuar për këtë? ai tha se ata që ankoheshin, largoheshin menjëherë nga puna duke përjetuar një situatë delikate në aspektin personal dhe profesional.

“Kohë më parë një gazetare u ankua për lajmet kundër myslimanëve dhe më pas ‘ia nxinë jetën asaj’, kështu që për dy javë rresht atë e detyruan të sajonte lajme kundër myslimanëve derisa më në fund u detyrua të japë dorëheqje nga gazeta”, i tha Richard Peppiatt komisionit.

Ai shtoi se për fat të keq kjo gjendje e ka vrarë në ndërgjegje duke e detyruar të dorëhiqet dhe të bëjë divorc për pak kohë me profesionin e tij të dashur. /Drita Islame/