Libi: Në shkretëtirë gjenden 20 tonë ar dhe 80 milionë euro

[You must be registered and logged in to see this image.]

Në Libi, vendin e liderit të rrëzuar Kadafi, në një vend të shkretë në qytetin jugor Zale janë gjetur 20 tonë flori të pastër.

Sipas lajmit të gazetës të quajtur “Barniq” së bashku me floririn nga vendi i fshehtë nëntokësor janë nxjerrë edhe 80 milionë euro.

Gazeta njoftoi se ari dhe eurot në fjalë janë gjetur gjatë konflikteve që vazhdojnë midis grupeve opozitare në jug të vendit.

Ndërkohë që për pasurinë e Muammer Kaddafit fliten shifra të ndryshme, sipas kanalit francez të lajmeve, 24, kjo pasuri është rreth 85 miliardë euro. Kurse autoritetet libiane shumën e kanë parashikuar të jetë rreth 200 miliardë dollarë, raporton TRT.

Një pjesë e mirë e kësaj pasurie është shpërndarë nëpër botë në banka të ndryshme dhe në investime të pasurive patundshme.